Վարչապետ Նիկոլ Փաշինյանը կառավարության նիստում, ներկայացնելով բուժվածների օրվա թվերը (24), ասել է, թե շաբաթվա սկզբում արձանագրված զգուշավոր լավատեսությունը պահպանվում է, սպասվում բուժվածների թվի եւ մեկուսացումից դուրս եկած քաղաքացիների որոշակի աճ.«Մենք վաղը պարետատանը կքննարկենք մեր անելիքները, թե երկուշաբթի օրվանից ինչ կարգավորումներ պիտի գործեն», նշել է նա:
Վաղվանից պիտի ստեղծվի օրը 1000 թեստի հնարավորություն, ցուցումով մարդկանց, մասնավորապեսՙ բոլոր բուժաշխատողներին եւ թոքաբորբով հիվանդ բոլոր քաղաքացիներին հանրապետությունում պարտադիր կթեստավորեն, դա թույլ կտա ավելի ամբողջական պատկերացում կազմել ընթացիկ իրավիճակի մասին:
Զգուշավոր լավատեսությունը նշանակո՞ւմ է արդյոք երկուշաբթի օրվանից արտակարգ դրության փոխարինում առավել մեղմ ռեժիմով, դժվար է ասել, համենայնդեպսՙ այդպիսի բան ենթադրվում է:
