Այս մասին Էրդողանն ասել է Պոլսի Հայոց պատրիարք Սահակ արքեպիսկոպոս Մաշալյանի հետ զրույցում:
Պատրիարքարանից հայտնում են, որ ապրիլի 8-ին Թուրքիայի նախագահը կապ է հաստատել Սահակ սրբազանի հետ եւ շնորհակալություն հայտնել նրան «Մենք մեզ բավարար ենք, Թուրքիա» արշավին միանալու համար:
Էրդողանն ասել է, որ պատրաստ է դեղեր ուղարկել Հայաստան եւ հետաքրքրվել է նաեւ Թուրքիայի հայ համայնքի կարիքներով:
Օրեր առաջ Պոլսի Հայոց պատրիարքարանն արձագանքել էր Թուրքիայի նախագահի կոչին եւ միացել «Մենք մեզ բավարար ենք, Թուրքիա» դրամահավաքին, որն ուղղված է կորոնավիրուսի դեմ պայքարին: Սահակ արքեպիսկոպոս Մաշալյանը նվիրաբերել էր իր 5 ամսվա աշխատավարձը, նրան միացել էին հոգեւորականներՙ փոխանցելով 100 հազար թուրքական լիրա:
