Վարչապետ Նիկոլ Փաշինյանը եռօրյա այցով մեկնել է Գերմանիայի հանրապետություն: Նա հանդիպելու է Գերմանիայի կանցլեր Անգելա Մերկելի հետ, ելույթ է ունենալու կառավարող մեծամասնության մասնակից Սոցիալ-դեմոկրատական կուսակցության Ֆրիդրիխ Էբերտի անվան հիմնադրամում: Երեկ վարչապետը հանդիպել է Գերմանիայի խորհրդարանի Բունդեսթագիՙ նախագահ Վոլֆգանգ Շոյբլեի հետ: ՀԻշեցնեքՙ Բունդեսթագը վավերացրել է Հայաստան- ԵՄ համաձայնագիրը:Շոյբլեից վարչապետը Հայաստանի դատաիրավական բարեփոխումներին աջակցության խոստում է ստացել եւ Բունդեսթագի ներկայացուցիչներին հրավիրել դիտարկելու ապրիլի 5-ին կայանալիք հանրաքվեն:
Վարչապետի գերմանական հանդիպումների ինտրիգն այն է, որ Մյունխենում տեղի ունենալիք անվտանգության միջազգային համաժողովում հնարավոր է նրա հանդիպումն Ալիեւի հետ: Չնայած մեկ օր առաջ Նիկոլ Փաշինյանը խորհրդարանում ասել էր, թե Մյունխեն մեկնելը լիարժեք հաստատված չէ, քանի որ օրակարգի ոչ բոլոր հարցերն են համաձայնեցված:
Կառավարությունը` կուսակցություններին
Կառավարությունը որոշել է ԱԺ ընտրություններում 3 տոկոսի շեմը հաղթահարած կուսակցություններին ֆինանսապես աջակցել: «Իմ քայլը» ստանալու է 78 մլն դրամ, ԲՀԿ-ն` 9 մլն 150 հազար դրամ, «Լուսավոր Հայաստանը»` 7 մլն դրամ, անգամ ՀՀԿ-ն ու ՀՅԴ-ն են աջակցություն ստանալու, համապատասխանաբար` 5 մլն 200 հազար եւ 4 մլն 300 հազար դրամ:
