Դեկտեմբերի 12-ին Երեւանում տեղի ունեցավ գիտաժողով նվիրված Հայաստանի բնակելի եւ արտադրական շենքերի ջերմամատակարարման հարցերին: Այն կազմակերպել էր Հայկական էներգետիկական ակադեմիան: «Ջերմամատակարարման արդի վիճակը եւ զարգացման հեռանկարները Հայաստանում» թեմայով ընդարձակ զեկուցում կարդաց տեխնիկական գիտությունների թեկնածու Ստեփան Պապիկյանը : Նա մասնավորապես նշեցՙ ջերմամատակարարման վատթար վիճակը, համապատասխան օրենքի բացակայությունը եւ հնարավոր զարգացման միտումները մեր հանրապետությունում:
Առաջարկվեց մեծ տեղ հատկացնել էլեկտրական եւ ջերմային էներգիաների համատեղ արտադրությանը, ստեղծել փոքր եւ միջին հզորությամբ շոգեգազային էլեկտրակայաններՙ հաշվի առնելով շենքերի եւ շինությունների ջերմային պահանջարկը, ջերմային կորուստները: Ներկայումս մեզ մոտ գտնվող շենքերից շատերն ունեն շատ վատ ջերմատեխնիկական ցուցանիշներ, հետեւաբար ջեռուցման իրականացման դեպքում կորուստները մեծ կլինեն: Շենքերի տաքացումն իրականացվում է «ով ինչպես կարող է» սկզբունքով: Նմանատիպ սառը վերաբերմունք ջերմության նկատմամբ անթույլատրելի է էներգետիկական եւ տնտեսական տեսակետից: Արդյունքում ծախսվում են մեծ քանակությամբ վառելիքաէներգետիկ ռեսուրսներՙ անհատական ջեռուցման համակարգ, էլեկտրական էներգիա եւ այլն:
Լուրջ խնդիրներ է առաջացնում նաեւ համապատասխան օրենսդրական դաշտի բացակայությունը:
Հարկ է նշել,որ էլեկտրական էներգիայով բնակարանների տաքացման դեպքում ծախսվում է մոտ չորս անգամ շատ էներգիա: Հետեւաբար, բնակչությունը ծախսում է շատ գումար եւ չի տաքանում: Անհրաժեշտ է մշակել ոլորտի զարգացման համալիր ծրագիր եւ փուլ առ փուլ իրականացնել:
Ճիշտ կլիներ Գյումրի քաղաքում կառուցել ՋԷԿ: Այն հնարավորություն կտա լուծել բազմաթիվ էներգետիկական եւ տնտեսական հարցեր: Այս դեպքում նույպես կարող ենք խնայել վառելիքաէներգետիկ ռեսուրսներ:
