| ՀՈՎԻԿ ԱՖՅԱՆ Սիրելու եւ պատժելու տարբեր ձեւեր կան: Օրինակ Հին Հռոմում սիրում էին հիմնականում բաղնիքներում: Մի քանի տասնյակ մարդ միաժամանակ հավաքվում էր եւ սկսվում էր սերը: Ուշագրավ է, որ պատժելու հարցում հին հռոմեացիներն նույնպես գերադասում էին խմբակային ձեւը: Ըստ պատմիչների, Հռոմում մեղավորներին պատժելու հատուկ արարողություն կար: Մեղավորին նետում էին ցեխի մեջ, այնպես, որ միայն գլուխը մնա բաց եւ շարժվելու հնարավորություն չունենա: Ապա հենց գլխի մոտ բաց էին թողնում մոծակներ: Դե սրանք էլՙ հին ժամանակներից հայտնի են որպես արյուն խմողներ ու, հասկանալի է, թե ինչ էր կատարվում մեղավորների գլխի հետ: Ընդ որում, այս արյունախմությունը տեղի էր ունենում մասսաների առջեւ, որոնք մինչեւ վերջ հետեւում էին, թե ինչպես են մոծակները խմում մեղավորների արյան վերջին կաթիլը:Մի օր, սակայն, երբ հռոմեացիները հակապետական քայլերի համար պատժում էին նախկին երեւելի քաղաքացիներից մեկին, տեղի է ունենում մի ուշագրավ բան: Մեղավորին ըստ օրենքի նետում են ցեխի մեջ, թողնում միայն գլուխը, համապատասխան թվով մոծակների բաց են թողնում, սրանք էլ սկսում են իրենց արնախում գործը, բայց քանի որ մեղավորը բավականին ամուր է լինումՙ ե՛ւ ֆիզիկապես, ե՛ւ հոգեպես, երկար դիմանում է սեփական արյան սակավանալուն ու սուր խայթոցներին: Ի վերջո հավաքվածները, տեսնելով, որ մարդը մոծակներից ավելի ուժեղ է, հոգնում են ու հեռանում: Հանկարծ մի անցորդ, որը հավանաբար հռոմեացի չի լինում, քանի որ ծանոթ չի լինում այս արարողությանը, տեսնում է մոծակների դեմ անշարժ պայքարող մարդու գլուխն ու նետվում օգնության: Նա քշում է բոլոր մոծակներին եւ գրկում մեղավորի գլուխը: Մարդը հազիվ բացում է աչքերը եւ ուժ հավաքելովՙ մի կերպ արտասանում.- Ի՞նչ արեցիր, անխի՜ղճ:Փրկիչը զարմանում է՚- Այսի՞նքն,-ասում է նա,-բայց ես փրկեցի քեզ եւ անխիղ՞ճ եմ:Մեղավորը պատասխանում է.- Անխիղճ ես, քանի որ դու քշեցիր արդեն կուշտ մոծակներին եւ հիմա կգան սովածները:Ես, իհարկե, ներողություն եմ խնդրումՙ նոր Հայաստանում հին Հռոմը հիշելու համար, բայց կան հավերժ բաներ, որոնց մեջ ոչ մի տեսակի իշխանություն չի մտնում: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՄՈԾԱԿՆԵՐԸ
Ամենաշատ ընթերցվածը
Եթե ես ստում եմ, թող Օնիկը դուրս գա և ասի, որ ես ստում եմ. Արամ Գաբրելյանով
44-օրյա Արցախյան պատերազմի հենց սկզբում և գագաթնակետին ես անձամբ երկու անգամ հանդիպել եմ Օնիկ Գասպարյանի հետ Մոսկվայի «Ararat Hyatt» հյուրանոցում։...
ԿարդալDetails
Մայր Աթոռում տեղի ունեցած խուլիգանության դեպքով դատարանը պարտավորեցրել է քրեական վարույթ նախաձեռնել
Ինչպես հիշում եք, 2025 թվականի դեկտեմբերի 17-ին Նիկոլ Փաշինյանի հետ հանդիպման գնացած 10 եպիսկոպոսները հայտարարություն էին տարածել, որով կոչ էին...
ԿարդալDetails
Շռնդալից կերպով ձերբակալում են ու փորձում հեղինակազրկել. Արտակ Բեգլարյան
Հերթական աբսուրդ մեղադրանքով ձերբակալությունն է տեղի ունեցել՝ իշխանությունների քաղաքական նպատակներից ելնելով։ «Ուժեղ Հայաստան» կուսակցության ներկայացուցիչ, լեգենդար հետախույզ ու հայրենասեր արցախցի...
ԿարդալDetails
Աննա Հակոբյանը նվաստացած է զգում, երբ իրեն համարում են «նոր Հայաստանի Սաշիկ»
Աննա Հակոբյանն այսօր հրավիրված ասուլիսի ժամանակ հայտարարեց՝ նվաստացած է զգում, երբ իրեն համարում են «նոր Հայաստանի Սաշիկ»։ Նման հայտարարություն նա...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական