Ինչպես երեւում է ադրբեջանական բանակի վերջին օրերին արված զորավարժությունների թե՛ սիրողական, թե՚ հատուկ տեսանկարահանումներից, դրանք հարձակողական բնույթի են:
Հրապարակված կադրերից պարզ է դառնում, որ ադրբեջանը, նվազագույնը, գործարկել է հետեւյալ զինատեսակները Տ-90 եւ Տ-72 «Ասլան» տանկեր, ԲՄՊ-3 հետեւակի մարտական մեքենաներ, ԲՏՌ-82Ա, «SandCat» զրահափոխադրիչներ, «Պոլոնեզ» համազարկային կրակի ռեակտիվ համակարգեր, «LORA» օպերատիվ-մարտավարական հրթիռային համալիրներ, «Բուկ-ՄԲ» զենիթահրթիռային համալիրներ, Ս-125 «Պեչորա» զենիթահրթիռային համալիր, ՄՏՈւ-90Մ տանկային կամրջադիրներ, ՏՄՄ-6, «Գուսենիցա-2» մեխանիզացված ծանր կամուրջներ, ԻՄՌ-3Մ ինժեներական արգելափակիչ մեքենաներ, կամրջանավային-կամրջային տեխնիկա, տարբեր նշանակության բեռնատարներ, Սու-25 եւ Մի-35 գրոհային ավիացիա:
Հիշեցնենք, որ ՊՆ նախարար Զաքիր Հասանովի հատուկ հրամանով, զորավարժություններն անցկացվում են այնպիսի պայմաններում, որոնք հնարավորինս մոտ կլինեն մարտական գործողություններին:
