ՍՏԵՓԱՆ ՊԱՊԻԿՅԱՆ, Տեխնիկական գիտությունների թեկնածու, Հայաստանի ժուռնալիստների միության անդամ
Լույս է տեսել լրագրող, արձակագիր Հրաչյա Մարտիրոսյանի «Հայ-Գերմանական ռապսոդիա» գիրքը, Երեւան, Լուսակն, 2019թ. 148էջ: Գրքում զետեղված է «Հայ-Գերմանական ռապսոդիա» վեպը: Հ. Մարտիրոսյանը ընթերցողին ներկայանում է իր չորրորդ գրքով: Ավելի քան քառորդ դար հեղինակը աշխատել է ազգային ռադիում որպես հաղորդավար եւ միաժամանակ ստեղծագործել է: Երեւանյան մամուլում տպագրել է բազմաթիվ հոդվածներ` նվիրված քաղաքի տարաբնույթ խնդիրներին:
Վեպը նվիրված է արտասահմանում բնակվող դստերը` Լուսինեին այցելելու, հայրենիքից հեռացածի հանդեպ անսահման կարոտը մեղմելուն միտված նրա ծնողների ճամփորդությանը: Այն բախվում է մի շարք խոչընդոտների: Երկրի լեզուն չիմանալով նրանք շատ դժվար, գրեթե անհնարին վիճակի մեջ են հայտնվում` տեղացիների հետ շփվելու անկարողությունը եւ այլն: Գերմանիայում նրանց ապրած ժամանակահատվածը եւ վերադարձը հայրենիք հեղինակը կարողանում է գեղարվեստական հրաշալի խոսքով ներկայացնել ընթերցողին:
Գրքի տպաքանակը 150 օրինակ է:
