ՆԱԽԱՊԱՏՐԱՍՏՎԵԼ ԽԱՂԱՂՈՒԹՅԱ՞ՆԸ

Մ. Խ.

Փարիզում Հայաստանի եւ Ադրբեջանի արտգործնախարարների հանդիպմանը հետեւած ԵԱՀԿ Մինսկի խմբի համանախագահների այն հայտարարությունը, թե պետք է կողմերի հասարակություններին նախապատրաստել խաղաղությանը, արժանացել է Արցախի նախագահի մամլո խոսնակ Դավիթ Բաբայանի մեկնաբանությանը: Ըստ նրա, եթե խոսվում է ոչ թե խնդրի լուծման, այլ խաղաղությանը նախապատրաստվելու մասին, ուրեմն սա երկարատեւ գործողություն եւ բանակցությունների լիարժեք ձեւաչափին Արցախի մասնակցության միտում է նշանակում: Իսկ տնտեսական նախագծերին մասնակցելու հորդորը հայտարարությունումՙ ի վերջո իրականանալի չէ հենց ադրբեջանական կողմի պատճառով, քանի որ արցախյան կողմի առաջարկությունները ջրային պաշարների մի մասի փոխանակման առումովՙ բազմիցս հենց Բաքուն է մերժել: