Լույս է տեսել «Սոցիալ տնտեսական զարգացման արդի հիմնախնդիրները Հայաստանի Հանրապետությունում» գիտական հոդվածների ժողովածուն, 2018թ.: Ընդհանուր ծավալը կազմում է ավելի քան 600 էջ: Ժողովածուի պատասխանատու խմբագիրն է ՀՀ ԳԱԱ թղթակից անդամ,տնտեսագիտության դոկտոր, պրոֆեսոր Վլադիմիր Հարությունյանը : Այն երաշխավորված է հրատարակության ՀՀ ԳԱԱ Մ.Քոթանյանի անվան տնտեսագիտության ինստիտուտի գիտական խորհրդի որոշմամբ:
Գիտաժողովի երկու ժողովածուներում դիտարկվում են հարցեր կապված ստվերային շրջանառության կրճատման ուղղությունների, արժեթղթերի շուկայի ձեւավորման առանձնահատկությունների, տրանսֆերների գնագոյացման մեխանիզմների ազդեցության, հարկային օրենսդրության ձեւավորման, պետական եկամուտների գնահատման, Արցախի էներգահամակարգի հուսալիության բարձրացման տնտեսագիտական հիմնադրույթների եւ այլնի մասին:
Հայկական էներգետիկական ակադեմիայի հիմնադիր նախագահ, անվանի գիտնական, տեխնիկական գիտությունների թեկնածու Ստեփան Պապիկյանը հիմնավորել է Արցախի Հանրապետության Ստեփանակերտ քաղաքում գազատուրբինային ջեռուցման ջերմային էլեկտրակայան նախագծելու եւ կառուցելու տեխնիկական հնարավորությունը եւ տնտեսագիտական արդյունավետությունը: Կատարվել է տեխնիկա-տնտեսական հիմնավորում զանազան տարբերակների դեպքում: Արդյունքում կստանանք էլեկտրական եւ ջերմային էներգիա համատեղ ցիկլով: Ծախսերը կլինեն նվազագույնը:
Ժողովածուն կարող են օգտագործել գիտնականները, ուսանողները, դասախոսները, ինչպես նաեւ բնագավառով հետաքրքրվող մասնագետները եւ ՀՀ կառավարությունը:
