ԹՈՒՐՔԻԱՆ ԱԴՐԲԵՋԱՆԻ ԿՈՂՔԻՆ Է, ԻՍԿ ԱԴՐԲԵՋԱ՞ՆԸ

ՀՈՎԻԿ ԱՖՅԱՆ

Բաքվում անցնող շաբաթ սպասում էին Թուրքիայի նախագահ Էրդողանին: Սակայն չորեքշաբթի օրը Անկարայում գրանցված ողբերգական հետեւանքներ ունեցած պայթյունի պատճառով Էրդողանը հետաձգել է իր այցը Բաքուՙ փոխարենն այնտեղ գործուղելով ԱԳ նախարար Մեւլութ Չավուշօղլուին: Վերջինս իր ադրբեջանցի գործընկեր Էլմար Մամեդյարովի հետ հանդիպման ժամանակ հայտարարել է, որ Թուրքիան Ադրբեջանի կողքին է միջազգային յուրաքանչյուր հարցում, այդ թվումՙ ԼՂ հակամարտության: Ի պատասխան Մամեդյարովը հայտարարել է, որ Ադրբեջանը կքննարկի Սիրիայում դաշնակիցներին (այդ թվումՙ Թուրքիային) միանալու հնարավորությունը, ինչից ենթադրում ենք, որ Ադրբեջանը ոչ բոլոր միջազգային հարցերում է անվերապահ Թուրքիայի կողքին: