Մեքսիկայի նախագահ Էնրիկե Պենյա Նյետոն պահանջել է իր նկատմամբ հետաքննություն անցկացնել ի դեպս գործարար շահերի հնարավոր բախման առկայության: Պետության ղեկավարը այդ քննության անցկացումը հանձնարարել է պետծառայության հարցերի նորանշանակ նախարար Վիրխիլիո Մարտինեսին, հաղորդում է մեքսիկական La Jornada թերթը:
Նյետոն մասնավորապես առաջարկել է ստուգել իր կնոջՙ Անժելիկա Ռիվերայի եւ ֆինանսների նախարար Լուիս Վիդեգարայի կեցավայրերի առքուվաճառքի գործառնությունները: Երկրի լրատվամիջոցներում այն պնդումն էր արվել, թե նախագահի տիկնոջ ֆիրմաները Մեքսիկայի պետական գերատեսչություններից ստացել են շահավետ պայմանագրեր եւ փոխարենը նրանց ծառայություններ են մատուցել անշարժ կայքի ձեւակերպման ու վերավաճառքի գծով:
Նյետոն հիշեցրել է «բաց եւ հաշվետու մնալու» իր խոստումը: Դրա հետ մեկտեղ նա գանգատվել է, թե քաղաքական գործիչները վստահելի միջոցներ չունեն շահերի բախումը բացահայտելու համար: Նախագահի կարծիքով, Վերխիլիո Մարտինեսը հետաքննություն անցկացնելիս պետք է ստեղծի հատուկ փորձագիտական հանձնաժողով: Փորձագետներն ամփոփելու են նախագահ Նյետոյի նախաձեռնած հետաքննության արդյունքները:
