Լավատեղյակ մի աղբյուրից «Ազգ»ը տեղեկացավ, որ մոսկվայաբնակ հայ բարերար եւ գործարար Լեւոն Հայրապետյանը կարող է մինչեւ շաբաթավերջ ազատ արձակվել կալանքից: Առայժմ հստակ չէ, թե ինչ հիմքով է նախադատությունը նրան ազատ արձակելու- գրավի՞, ինքնախոստովանական ցուցմունքի՞, թե՞…
Ինչպես հայտնի է, հայազգի գործարարը, որի առողջական վիճակը խիստ մտահոգիչ է, մեղադրվում է փողերի լվացման եւ ֆինանսական մեքենայությունների մեջ, որի համար նա ձերբակալվեց շուրջ մեկ ամիս առաջ, եւ դատարանի որոշմամբ նրա դեմ որպես խափանման միջոց ընդունվեց կալանքը, հակառակ բազմաթիվ բողոքների եւ միջնորդությունների: Արդարեւ, Հայաստանի ու Ռուսաստանի բազմաթիվ արվեստագետներ, զինվորական ու քաղաքական գործիչներ եւ առհասարակ համակիրներ բազմաթիվ միջնորդություններ ներկայացրին Լեւոն Հայրապետյանի կալանքը վերացնելու համար, սակայն նախադատական մարմինները ցարդ մնացին անդրդվելի:
