«SOS» ծառայությունը հնարավորություն է ընձեռում տեղեկանալու մտերիմների քարտի հաշվեկշռի եւ վավերականության ժամկետի մասին:
Այժմ ՎիվաՍել-ՄՏՍ-ի բոլոր բաժանորդները հնարավորություն ունեն մշտապես տեղեկանալու իրենց մտերիմ կանխավճարային բաժանորդի քարտի վավերականության ժամկետի եւ հաշվեկշռի մասին եւ, հնարավորության դեպքում, վերալիցքավորելու այն:
«SOS» ծառայությունից օգտվելու համար պարզապես անհրաժեշտ է ուղարկել հարցման հրահանգը, որի մեջ նշվում է կանխավճարային բաժանորդի հեռախոսահամարը եւ այն գումարի չափը, որին հասնելու մասին բաժանորդը ցանկանում է տեղեկանալ:
Հարցման հրահանգը պետք է ուղարկել *155*կանխավճարային բաժանորդի հեռախոսահամարը*գումարի չափը# (օրինակՙ *155*093298888*200#) ձեւաչափով:
Կանխավճարային բաժանորդը տեղեկացվում է, որ իր քարտի հաշվեկշռի եւ վավերականության ժամկետի վերաբերյալ հաղորդագրության ստացման հարցում է ուղարկվել եւ ինքն է որոշումՙ հաստատել հարցումը, թե` ոչ:
Հարցումը հաստատելու համար անհրաժեշտ է ուղարկել *155* հարցումն ուղարկած բաժանորդի հեռախոսահամարը# հրահանգը:
Ծառայությունը տրամադրվում է անվճար:
