Չարտոնված համակարգչային ծրագրեր վաճառելու համար
Տնտեսական մրցակցության պաշտպանության պետական հանձնաժողովը երեկ տեղի ունեցած նիստում համակարգչային տեխնիկայի վաճառքով զբաղվող 14 ընկերություններին (IT master, NIX Computers, LED Computers, AG electronics, ONLINE PLUS, HARD POWER SYSTEMS, IT Plasa, FULLOPSYS, Compass, LANZA, SP tech Computrs, SMART SHOP, FREEGATE եւ հՑՈՑցՐՈ) նախազգուշացրեց համակարգչային չարտոնագրված ծրագրեր վաճառելու եւ անբարեխիղճ մրցակցություն ծավալելու համար եւ հանձնարարեց արագ վերացնել խախտումը: Հանձնաժողովն ուսումնասիրութուների նյութերն ուղարկեց նաեւ ոստիկանություն, քանի որ նման խախտումների համար, ինչպես նշեց հանձնաժողովի նախագահ Արտակ Շաբոյանը , նախատեսված է նաեւ քրեական պատասխանատվություն:
Վերոնշյալ խախտումների առնչությամբ հանձնաժողովին դիմել էր «Մայքրոսոֆթ» (Microsoft) ընկերության Հայաստանի ներկայացուցչությունը, տեղեկացնելով, որ համակարգչային տեխնիկայի ընկերությունները խախտում են իրենց հեղինակային իրավունքներըՙ վաճառելով Microsoft համակարգչային ծրագրերի չարտոնագրված տարբերակները: Ընկերության ներկայացուցիչ Գրիգոր Բարսեղյանը նշեց, որ բարեխիղճ տնտեսվարողները չեն կարողանում վաճառել իրենց ծրագրերը, քանի որ այլ տնտեսվարողներ վաճառում են չարտոնագրված ծրագրերը ավելի ցածր գներով:
