ՀՀ ԿԱ ՊԵԿ տեղեկատվության եւ հասարակայնության հետ կապերի բաժին
Ի պատասխան 07.11.2013թ-ի «Ազգ» օրաթերթի «Ինչքան շատ անվադողերի պայթյուն, այնքան մեծ եկամուտ» հրապարակման, տեղեկացնում ենք, որ ՀՀ ԿԱ պետական եկամուտների կոմիտեն հանդիսանում է գործադիր իշանության մարմին եւ համաձայն իր լիազորությունների իրականացնում է այն գործառույթները, որոնք սահմանվածեն ՀՀ օրենսդրությամբ:
Հաշվի առնելով վերոգրյալըՙ հայտնում ենք, որ ՄԱԿ-ի «Վտանգավոր թափոնների երկրից երկիր տեղափոխման նկատմամբ հսկողություն սահմանելու մասին» բազելյան կոնվենցիայով Հայաստանի Հանրապետության ստանձնած պարտավորությունների կատարումն ապահովելու նպատակով Հայաստանի Հանրապետության կառավարության կողմից ընդունվել են 08.12.1995թ. թիվ 97 եւ 08.07.2004թ. թիվ 1093-Ն որոշումները, որոնց համաձայն, արգելվում է Հայաստանի Հանրապետություն եւ Հայաստանի Հանրապետության տարածքով ՀՀ կառավարության 08.07.2004թ. թիվ 1093-Ն որոշմամբ հաստատված, արգելված վտանգավոր թափոնների ցանկում ընդգրկված, հին դողերի, մաշված կամերաների (անվադողերի) ներմուծումը եւ տարանցիկ փոխադրումը:
Միեւնույն ժամանակ պաշտոնապես հայտարարում ենք, որ ներկա պահին Հայաստանի Հանրապետություն անվադողեր ներմուծող կազամակերպությունների թիվը կազմում է ավելի քան երկու տասնյակ: Ընդ որում դրանք խոշոր ներմուծողներն են. փոքր քանակներ ներմուծողների քանակը մի քանի անգամ ավելի մեծ է: Այս քանակությամբ ներմուծողների պարագայում անհիմն ենք համարում պնդումները` ներքին շուկայի այս սեգմենտում մենաշնորհի առկայության վերաբերյալ:
