Գրականության ասպարեզում 2013 թվականի Նոբելյան մրցանակը շնորհվել Է կանադուհի Էլիս Մունրոյին: Այդ մասին, ինչպես տեղեկացնում Է «Արմենպրես»-ը, հոկտեմբերի 10-ին Ստոկհոլմում հայտարարել Է Շվեդիայի գիտությունների թագավորական ակադեմիան, որը պատասխանատու Է պարգեւների շնորհման համար: Հաղորդվում Է, որ Մուրոն դարձել Է գրականության ասպարեզում Նոբելյան մրցանակն ստացած 13-րդ կինը եւ 110-րդ Նոբելյան դափնեկիրն այդ կատեգորիայում:
Բուքմեյքերները կանխագուշակում Էին, որ կանադուհին կզբաղեցնի երկրորդ տեղը, ենթադրվում Էր, որ առաջին տեղում պետք Է լինի Հարուկի Մուրակամին: Մունրոյի գործերը համեմատում են չեխովյան արձակի հետ: Նրա կարճ ստեղծագործություններում, ինչպես եւ ռուս դասականի պատմվածքներում, սյուժեն երկրորդական Է, կարեւորը հերոսների, ավելի ճիշտՙ հերոսուհիների, ապրումների խորությունն Է, քանի որ Մունրոն գրում Է հիմնականում կանանց ճակատագրերի մասին:
Անցալ տարի գրականության ասպարեզում Նոբելյան մրցանակի դափնեկիր Է դարձել չին գրող Մո Յանը:
Դափնեկիրների պարգեւատրման արարողությունը, ավանդույթի համաձայն, տեղի կունենա Ստոկհոլմում դեկտեմբերի 10-ինՙ Նոբելյան մրցանակի հիմնադրիՙ շվեդ ձեռնարկատեր ու գյուտարար Ալֆրեդ Նոբելի (1833-1896) մահվան օրը:
Նոբելյան մրցանակներից յուրաքանչյուրի գումարն այս տարի կազմել Է 8 միլիոն շվեդական կրոն (1,2 ԱՄՆ դոլար):
