2001 թ.-ից յոթ անգամ թեկնածու առաջադրված հայազգի հաղորդավար-լրագրող Փիթեր Մսըրլյանը վերջապես արժանացել է լոսանջելեսյան տարածքի «Էմմի» մրցանակիՙ իր Բոտսվանայում նկարահանած 32 րոպե տեւողությամբ վավերագրական ֆիլմի համար, տեղեկացնում է «Արմինյըն միրոր սփեքթեյթըր» շաբաթաթերթը: Ըստ հաղորդագրության, Հարավային Աֆրիկայում գտնվող այդ պետության մասին պատմող նյութն ամբողջությամբ ինքն է պատրաստել, գրել, խմբագրել, նկարահանել եւ մոնտաժել առանց երկրի ներսում խորհրդատուի օգնության:
Մսըրլյանը մագիստրոսի երեք աստիաճան ունի, նաեւ արտասահմանյան հաղորդումներ պատրաստելու մեծ փորձ: Նա 14 անգամ արժանացել է «RTNA Գոլդեն Մայք» մրցանակի: Նախքան «Բըրբենք չենըլում» աշխատանքի անցնելը, 1982-ին նա հեռուստատեսային հաղորդումներ է պատրաստել Մոնտանայում, Տեխասում եւ Վաշինգտոնում, իսկ արտասահմանյան երկրներիցՙ Բոսնիայում, Հերցեգովինայում, Խորվաթիայում, Հունգարիայում, Մեքսիկայում, Լեհաստանում, Ռումինիայում, Թուրքիայում եւ այլ երկրներում:
«Բըրբենքի աֆրիկյան քույր քաղաքը» մրցանակակիր վավերագրական ֆիլմը հիմնականում անդրադառնում է մայրցամաքում բուն դրած ՁԻԱՀ-ի խնդիրներին եւ Բոտսվանայի իշխանությունների տարած անմիջական եւ արդյունավետ միջոցառումներին:
