Սեպտեմբերի 18-ին, ժամը 10-ին Հայաստանի Հանրապետության առեւտրաարդյունաբերական պալատի մեծ դահլիճում (Երեւան, Խանջյան 11) տեղի կունենա հայ-ռուսական գործարար համաժողովՙ նվիրված Մոսկվայի եւ Երեւանի տնտեսական համագործակցության զարգացմանը, որին կմասնակցեն երկու քաղաքապետարանների ներկայացուցիչներ եւ գործարարներ:
Միջոցառումը կանցկացվի «ԲԻԶՆԵՍ-ՄԱՐԱԹՈՆ 2013. Մոսկովյան փոքր եւ միջին ձեռնարկությունների գործարար առաքելութունը Երեւանում» ծրագրի շրջանակներում:
Ծրագիրն իրականացվում է Մոսկվա քաղաքի գիտության, տնտեսական քաղաքականության եւ գործարարության դեպարտամենտի նախաձեռնությամբՙ Երեւանի քաղաքապետարանի աջակցությամբ:
2013 թվականին «ԲԻԶՆԵՍ-ՄԱՐԱԹՈՆ 2013» ծրագիրը իրականացվում է 50 քաղաքներում:
Ծրագրի նպատակն է երկու տարածաշրջանների գործարարների միջեւ ուղիղ փոխշահավետ արտադրական եւ առեւտրական համագործակցության ստեղծումը:
