Ռազմական էներգետիկան ուշադրության առարկա
Վերջին տարիների փորձը ցույց է տալիս,որ անհրաժեշտ է մեծ ուշադրություն դարձնել էներգետիկայի արդի տեխնոլոգիաների օգտագործմանը երկրի պաշտպանական ոլորտի համար:Մասնավորապես, տարբեր նշանակության զորամասեր պետք է ունենան էներգիայի սնման ինքնուրույն համակարգեր,որոնք կարողանան արտակարգ իրավիճակների պարագայում ( տարրերային աղետներ, ոտնձգություններ, պատերազմական իրավիճակներ եւ այլն) լրիվ կամ մասնակի չափով հուսալի ձեւով ապահովել անհրաժեշտ քանակի էներգիա: Այստեղ կարելի է օգտագործել արեւի էներգիան, գետնի տակ քողարկված ձեւով կառուցել փոքր հզորությամբ հիդրոէլեկտրակայաններ եւ այլն:
Անչափ կարեւոր դեր կարող է ունենալ այսպես կոչված էլեկտրական փակոցները, որոնք հատկապես հզոր պաշտպանություն ունենալու դեպքում ցամաքային զորքերի համար կարող են դառնալ հուսալի եւ փրկիչ օղակ:Թշնամու ճանապարհը դեպի մեր հայրենիքի սահմանները եւ խորքերը պետք է փակ լինեն: Անհրաժեշտ է խիստ գաղտնի սկզբունքով կազմել ծրագիր եւ փուլ առ փուլ իրականացնել:
Առաջարկությունս կայանում է հետեւյալում. ՀՀ-ում գործող ռազմական ակադեմիաներում որպես հատուկ դասաժամեր մտցնել «Ռազմական էներգետիկա» առարկա: Այն հնարավորություն կտա մեր ապագա սպաներին,գեներալներին որոշ գիտելիքներ տալ վերը նշված խնդրի վերաբերյալ:Կարեւոր խնդիր է նաեւ պաշտպանական համակարգում թեկուզ հասարակական կարգով ունենալ նաեւ մասնագետ խորհրդատուներ:
Ստեփան ՊԱՊԻԿՅԱՆ
