Մայիսի 9-ին Լուվենի (Բելգիա) համալսարանում տեղի է ունեցել «Ձեռագրեր եւ պատմություններ» հայագիտական-վրացագիտական համաժողովը (ֆրանսերեն եւ անգլերեն), որին մասնակցել են գիտնականներ տարբեր երկրներից: Հայկական թեմաներով զեկուցումները հետեւյալներն են՝ «Առաքյալ հայրերի տեքստերի ցանցը հայերենում եւ վրացերենում» (Դան Բատովիչի, Բելգիա), «Հայ-ֆրանկ ազնվականության հոլովույթը 11-14-րդ դարերում» (Սամվել Գրիգորյան, Հայաստան), «Լռին հովանավորչություն. Նեղուցի վանքի դեպքը (110-13-րդ դարեր)» (Արփինե Ասրյան, Հայաստան), «GREgORI նախագծի այլաբանության գործիքը» եւ «Մի նոր վկայություն Իրենեոս Լուգդոնացու «Ընդդեմ հերձվածոց»-ի հայերեն տարբերակի վերաբերյալ» (Գաբրիել Քեփեքլյան, Բելգիա), «Հայաստանի Կիրանցի, Քոբայրի եւ Հառիճավանքի 13-րդ դարի որմնանկարների հետազոտումը եւ ուսումնասիրությունը» (Քրիստին Լամուրե, Իտալիա) եւ «Գեւորգ Ախվերդյանի հավաքած 19-րդ դարի աշուղական երգերը» (Անի Առաքելյան, Հայաստան):
Ա. Բ.
