Մայիսի 14-ին Թուրքիայում կայանալիք ընտրություններից առաջ ակնհայտ է դառնում, որ Թուրքիայի կառավարությունը լրացուցիչ ջանք է գործադրում Գերմանիայում իր ազդեցության լծակները բանեցնելու ուղղությամբ: Ինչպես գերմանական «Շպիգելն» է իրազեկում, Հյուսիս Հռենոս Վեստֆալիա երկրամասում Թուրքիայի հյուպատոսությունների՝ Քյոլնի, Դյուսսելդորֆի, Էսսենի, Մյունստերի ներկայացուցիչները դիմել են երկրամասային, քաղաքային տեղական գործիչներին՝ հատկապես այն պաշտոնյաներին, որոնք թուրքական արմատներ ունեն, որ վերջիններս իրենց վճիռներում, որոշումներում հաշվի առնեն Անկարայի շահը, «երբ խոսքը վերաբերում է հայկական հակամարտությանը, հիշատակի միջոցառումներին, դպրոցական դասերին կամ Թուրքիայում վիճահարույց ձերբակալություններին»: Հիշեցնենք, որ Քյոլնում 1 տարով արտոնվել է Հայոց ցեղասպանության զոհերի հիշատակը ոգեկոչող Նուռ հուշարձանը:
ԱՆԱՀԻՏ ՀՈՎՍԵՓՅԱՆ
