Գիտագործնական սեմինար Երեւանում
Սեպտեմբերի 12-ին տեղի ունեցավ գիտագործնական սեմինար, որը կազմակերպել էր Ռուսաստանի Գ.Վ. Պլեխանովի ամվան տնտեսագիտական համալսարանի Երեւանի մասնաճյուղը, Խելացի քաղաքակրթության ինստիտուտը եւ Քաղաքագետների հայկական ասոցիացիան:
Միջոցառման մոդերատորն էր «Խելացի քաղաքակրթության ինստիտուտի» տնօրեն, վերլուծաբան Մ. Ոսկանյանը: Գիտական եւ գործնական սեմինարը բաղկացած էր երեք բաժիններից, որոնցից յուրաքանչյուրում քննարկվեցին ժամանակակից հասարակության մեջ երրորդ հատվածի դերի տարբեր ասպեկտներ:
«Հայաստանի երրորդ հատվածը եւ հասարակության զարգացման ժամանակակից միտումները» զեկույցով հանդեռս եկավ պատմական գիտությունների թեկնածու, Ռուսաստանի Դաշնության կրթության ոլորտի պատվավոր աշխատող Թ. Վարդանյանը: Նա խոսեց ոչ առեւտրային կազմակերպությունների երիտասարդների շրջանում անցկացված սոցիոլոգիական հետազոտության արդյունքների մասին:
Միջոցառմանը զեկուցումով հանդես եկավ առաջին տնօրենը, ինչպես նաեւ Երեւանի մասնաճյուղի ուսուցիչ Մ. Շահզադեյանը: Իր «Հասարակական կազմակերպությունների դերն ու նշանակությունը ժողովրդավարության ժամանակակից հայեցակարգերում» զեկույցում նա խոսեց ՀԿ-ների եւ ոչ առեւտրային կազմակերպությունների համագործակցության մասին, ինչպես նաեւ ներկայացրեց ժողովրդավարության ժամանակակից հայեցակարգերը:
Սեմինարի ընթացքում ուսումնասիրվեցին երրորդ հատվածի դերը ժամանակակից հասարակության մեջ, ինչպես նաեւ դրա ազդեցությունը տնտեսության, սոցիալական ոլորտի եւ քաղաքականության վրա:
Գիտական եւ գործնական սեմինարը հաջող անցավ եւ գրավեց գիտելիքի տարբեր ոլորտների մասնագետների եւ փորձագետների ուշադրությունը:
ՍՏԵՓԱՆ ՊԱՊԻԿՅԱՆ
