«Մեկ տարի առաջ Լեռնային Ղարաբաղը կրկին ռազմական հակամարտության հրապարակ էր: Հազարավոր մարդիկ լքեցին իրենց տները, Հայաստան եկան: Այդ ժամանակվանից ի վեր Հայաստանն ու Ադրբեջանը շատ բան են արել խաղաղ համակեցության եւ խաղաղ բանակցություններ սկսելու համար»: Սա Գերմանիայի արտգործնախարարության X-ի գրառումն է սեպտեմբերի 24-ին: Հաջորդ օրը նույն միկրոբլոգում ի պատասխան այս անորոշ, իրականում Ադրբեջանի ոճրագործությունը պարտակող ձեւակերպման Բունդեսթագի արտաքին հարաբերությունների հանձնաժողովի նախագահ Միշայել Ռոթը գրեց. «Ադրբեջանի զինուժը ԼՂ էթնիկ հայերին (բռնի) տեղահանել է, ինչը անվանվում է էթնիկ մաքրազտում»: Թեեւ պաշտոնական Բեռլինը երբեւէ հստակ չի դատապարտել Ադրբեջանի հայատյաց քաղաքականությունը, դրա նկարագրությունն «արտոնելով» գերմանական ԶԼՄ-ներին, այդուհանդերձ բարոյական չէ, որ հանցագործին եւ զոհին այսպես հավասարեցնում է:
ԱՆԱՀԻՏ ՀՈՎՍԵՓՅԱՆ
Արցախից բռնագաղթի այս լուսանկարը հրապարակել է գերմանական հեռուստատեսության առաջին ալիքը՝ ARD-ն՝ սեպտեմբերի 21-ի իր հրապարակմանը կից:
