Արցախի Հանրապետության Նախագահ Բակո Սահակյանը սեպտեմբերի 1-ին մասնակցել է Շուշիի Ռեալական ուսումնարանի շենքում Անդրեյ Բաբաեւի «Արծվաբերդ» օպերայի բեմադրությանը:
Նախագահ Սահակյանը կարեւորել է նման միջոցառումների կազմակերպումը Շուշիումՙ այն համարելով օգտակար թե Արցախում դասական երաժշտության զարգացման, թե պատմամշակութային կոթողների պահպանման տեսանկյունից:
Միջոցառմանը մասնակցում էին ՀՀ վարչապետ Տիգրան Սարգսյանը, Հայ առաքելական Եկեղեցու Արցախի թեմի առաջնորդ Պարգեւ արք. Մարտիրոսյանը, ԼՂՀ ԱԺ խոսնակ Աշոտ Ղուլյանը, վարչապետ Արա Հարությունյանը, Արցախի եւ Հայաստանի բարձրաստիճան պաշտոնյաներ, ներկայացուցիչներ սփյուռքից եւ հյուրեր արտերկրից:
