Երեկ միջազգային ԶԼՄ-ներն անդրադառնալով Ադրբեջանում նույն օրն անցկացվող արտահերթ նախագահական ընտրություններին, առիթ նկատեցին գրելու, թե հայտնի է ելքը՝ 6 «մրցակցող» թեկնածուները նախագահին են սատարել, 20 տարի հետո էլ Իլհամ Ալիեւն է տիրելու Ադրբեջանի նախագահի աթոռին: Երեկ կեսօրից հետո, հատկապես X-ի հարթակում արդեն հաճախ կրկնվեց, թե Ալիեւն ու իր ընտանիքը, խախտելով Ադրբեջանի Ընտրական օրենսգիրքը, սահմանադրական իրենց պարտականությունը առավոտ կանուխ նախընտրել են իրացնել Ստեփանակերտում: Գերմանացիները ԱԳՆ էջում էլ չեն փոխել Լեռնային Ղարաբաղ ձեւը, մեդիայում էլ չի կիրառվում «Խանքենդին», ինչպես երազում է շրջանառել Ադրբեջանի սուլթանը: Հաղթանակի եւ հաղթողի մասին հիշատակումը, դրա շեշտադրումը գերադաս են Ալիեւի համար: Նա օրենքից վեր է:
ԱՆԱՀԻՏ ՀՈՎՍԵՓՅԱՆ, Գերմանիա
