Իսրայելի պաշտպանության նախկին նախարարի որդու միջնորդությամբ Ադրբեջանի կառավարությունը երկրորդ անգամ է իսրայելական լրտեսական software ծրագիր գնել, ապրիլի 9-ին իրազեկում է իսրայելական «Հաարեց» թերթի նախկին խմբագիր Ավի Շաֆը։ Ավելի վաղ հայտնի էր դարձել, որ 2020 թվականին Ադրբեջանը իսրայելական Pegasus լրտեսական ծրագրի միջոցով 44 օրյա պատերազմի ժամանակ եւ դրան հաջորդող ժամանակահատվածում վարակել էր Հայաստանում լրագրողների, քաղաքական գործիչների, ակտիվիստների, պետական պաշտոնյաների հեռախոսները։
Անշուշտ չի բացառվում, որ Ադրբեջանն այս գործիքը ոչ միայն Հայաստանի, այլեւ Իրանի դեմ էլ գործածի։ Իսրայելը փակել է Բաքվում եւ տարբեր երկրներում իր դեսպանությունները՝ Թեհրանի հնարավոր պատասխան հարվածի երկյուղից։ «Լուֆթանզան» մինչեւ ապրիլի 13-ը չեղարկել է Թեհրան ուղիղ թռիչքները։
ԱՆԱՀԻՏ ՀՈՎՍԵՓՅԱՆ
Գերմանիա
