Գրանցվել է «Նարարգին» կենսաբանորեն ակտիվ հավելումը

51

ՀՀ ԳԱԱ «Հայկենսատեխնոլոգիա» գիտաարտադրական կենտրոնում մշակվել եւ պաշտոնապես գրանցվել է սննդի «Նարարգին» կենսաբանորեն ակտիվ հավելումը: Այն օգտագործվում է դիսբակտերիոզի, 2-րդ տիպի շաքարախտի կանխարգելման համար, աղիքային միկրոֆլորայի հավասարակշռությունը պահպանելու եւ վերականգնելու նպատակով հակաբիոտիկներով բուժման ընթացքում, նպաստում է արյան մեջ խոլեստերինի մակարդակի նվազեցմանը:

«Նարարգին» կենսաբանորեն ակտիվ սննդային հավելումն ունի կիրառական նշանակություն բժշկության մեջ՝ որոշակի հիվանդությունների կանխարգելման եւ բուժման համար: Նպաստում է ինսուլին արտադրող -բջիջների վերականգնմանը եւ ենթաստամոքսային գեղձի արտազատիչ ֆունկցիայի խթանմանը, ինչը 2-րդ տիպի շաքարախտի բուժման հիմնական նպատակներից մեկն է: Կարգավորում եւ վերականգնում է աղիքային միկրոֆլորայի հավասարակշռությունը հակաբիոտիկներով թերապիայի կիրառման, ինչպես նաեւ դիսբակտերիոզի դեպքում: Բերում է արյան մեջ խոլեստերինի մակարդակի նվազեցմանը:

«Նարարգին»-ը ստեղծվել է «Հայկենսատեխնոլոգիա» գիտաարտադրական կենտրոնի կողմից բազային ֆինանսավորմամբ իրականացվող «Որոշակի հիվանդությունների կանխարգելման համար նոր պրոբիոտիկ շտամների հատկությունների ուսումնասիրություն» ծրագրի շրջանակներում: «Նարարգին»-ն արտադրված է համաձայն ՀՀ ՏՊ 39377614.8805-2021:

2022թ-ին «Նարարգին» կենսաբանորեն ակտիվ հավելումը պաշտոնապես գրանցվել է եւ ստացել պետական գրանցման վկայական: «Ներկայում տարվում են աշխատանքներ մարքեթինգի՝ «Նարարգին»-ի ներքին, ինչպես նաեւ արտաքին շուկայում իրացման ուղղությամբ: Ձեռք են բերվել համագործակցության նախնական պայմանավորվածություններ ՌԴ-ում, Չեխիայում «Նարարգին»-ի ներդրման ուղղությամբ: Հետազոտությունն գիտնականների կողմից արժանացել է դրական գնահատականի:

Ստեփան ՊԱՊԻԿՅԱՆ

Ռուսաստանի բնագիտության ակադեմիայի պրոֆեսոր