RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
#034, 2014-10-31 > #035, 2014-11-07 > #036, 2014-11-14 > #037, 2014-11-21 > #038, 2014-11-28

«ԱԶԳ» ՕՐԱԹԵՐԹ #36, 14-11-2014



ՖԻՆԱՆՍԱԿԱՆ ԱՇԽԱՐՀ

Տեղադրվել է` 2014-11-13 23:09:14 (GMT +04:00)


Ընթերցված է` 1636, Տպվել է` 13, Ուղարկվել է էլ.փոստով` 8

ՊԵԿԻՆՈՒՄ ԸՆԴՈՒՆՎԵՑ ԱԶԱՏ ԱՌԵՎՏՐԻ ԳՈՏՈՒ ՍՏԵՂԾՄԱՆ ԾՐԱԳԻՐ

Պ. Ք.

Պեկինում ավարտված Ասիա-Խաղաղօվկիանոսյան տնտեսական համագործակցության (APEC) համաժողովում մասնակից 21 երկրների ղեկավարները ընդունել են ազատ առեւտրի տարածաշրջանային գոտու ստեղծման ծրագիրՙ «ճանապարհային քարտեզ», հաղորդում է ՌԻԱ գործակալությունը:

«Ծրագրի իրականացումը կոչված է աշխուժացնելու ազատ առեւտրի գոտու ստեղծման ջանքերըՙ գոյություն ունեցող տարածաշրջանային ինտեգրացիոն նախաձեռնությունների հիման վրա, որոնք էական ավանդ են ներդնում տարածաշրջանի կայուն աճի եւ ընդհանուր բարգավաճման ապահովման մեջ», ասվում է ընդունված հայտարարության մեջ:

Փաստաթղթում նաեւ անհրաժեշտ է համարվում խորացնել ջանքերը «Անդրխաղաղօվկիանոսյան գործընկերություն եւ համապարփակ տարածաշրջանային տնտեսական գործընկերություն» նախաձեռնությանն առնչվող բանակցությունների ավարտման նպատակով:

Ասիա-Խաղաղօվկիանոսյան տնտեսական համագործակցության համաժողովը հիմնադրվել է 1989 թ. նոյեմբերին, Ասիա-Խաղաղօվկիանոսյան տարածաշրջանի 12 երկրների արտաքին գործերի եւ տնտեսության նախարարների կոնֆերանսում: Ներկայումս մասնակից երկրների թիվը 21 է. Ավստրալիա, Բրունեյ, Վիետնամ, Հոնկոնգ, Ինդոնեզիա, Կանադա, Հվ. Կորեա, Չինաստան, Մալայզիա, Մեքսիկա, Նոր Զելանդիա, Պապու-Նոր Գվինեա, Պերու, Ռուսաստան, Սինգապուր, ԱՄՆ, Թայլանդ, Տայվան, Ֆիլիպիններ, Չիլի, Ճապոնիա: Համաժողովը չունի կանոնադրություն, ուստի իրավաբանորեն կազմակերպություն չէ եւ գործում է որպես միջազգային համաժողով, տնտեսական հարցերի քննարկման խորհրդակցական մարմին:

 
 

«ԱԶԳ» ՕՐԱԹԵՐԹ #36, 14-11-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ