ՆԱՏՕ-ն «ՌԻԱ» գործակալությանը հաստատել է Հյուսիսատլանտյան դաշինքում ռուսական առաքելության ութ աշխատակիցների հավատարմագրման չեղարկումը:
«Մենք հաստատում ենք, որ չեղարկել ենք ՆԱՏՕ-ում Ռուսաստանի առաքելության ութ աշխատակիցների հավատարմագրումը, որոնք հանդիսացել են ռուսական հետախուզության չհայտարարված անդամներ: Կարող ենք նաև հաստատել, որ մենք նվազեցրել ենք ՆԱՏՕ-ում Ռուսաստանի Դաշնությանը հասանելիք հավատարմագրումների թիվը մինչև 10», ասել է դաշինքի աղբյուրը:
Ներկայումս ՆԱՏՕ-ում Ռուսաստանի մշտական ներկայացուցչությունում աշխատում է 18 դիվանագետ, առկա է երկու թափուր աշխատատեղ:
