Եվրամիության պաշտպանական համակարգ ստեղծելու անհրաժեշտությունը ակնհայտ դարձավ Աֆղանստանից ամերիկյան զորքերի դուրսբերման հետ կապված իրավիճակից հետո: Այդ մասին հինգշաբթի օրը հայտարարել է ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը՝ ժամանելով Սլովենիայում ԵՄ պաշտպանության նախարարների ոչ պաշտոնական հանդիպմանը:
«Ես պնդում եմ, որ ԵՄ-ի՝ սեփական պաշտպանական համակարգի կարիքը ակնհայտ է դարձել Աֆղանստանից հետո», – ասել է Բորելը:
Նա ընդգծել է, որ «Աֆղանստանում տեղի ունեցած պատմական իրադարձությունները դրդել են եվրոպական անվտանգության հայեցակարգի` ԵՄ ռազմավարական կողմնացույցի մշակմանը, որի վերջնական նախագիծը կներկայացվի հոկտեմբեր-նոյեմբեր ամիսներին», հայտնում է ՏԱՍՍ-ը:
