Երկրագնդի բնակչության միայն 10%-ն է պատվաստվել կորոնավիրուսի դեմ, ասել է ՌԴ նախագահ Վլադիմիր Պուտինը ՝ ուրբաթ օրը ելույթ ունենալով Սանկտ Պետերբուրգի միջազգային տնտեսական ֆորումի լիագումար նիստում, հայտնում է ՏԱՍՍ-ը:
«Այսօր աշխարհի բնակիչների միայն 10%-ն է ամբողջությամբ պատվաստվել կամ ստացել պատվաստումների առաջին բաղադրիչը, մինչդեռ հարյուր միլիոնավոր մարդկանց համար պատվաստանյութերը պարզապես անհասանելի են` ելնելով այն բանից, որ այդ երկրները չունեն տեխնոլոգիաներ, արտադրական հզորություններ և պատվաստանյութեր գնելու համար միջոցներ», ասել է նախագահը:
Պուտինը աննշան է անվանել օգնությունը այն երկրներին, որոնք ի վիճակի չեն պատվաստել իրենց բնակչությունը:
Համաճարակի բռնկումների վտանգը մնում է այնքան ժամանակ, քանի դեռ բոլոր մայրցամաքներում կորոնավիրուսի դեմ պատվաստանյութերի հասանելիությունը չի ապահովվել, ասել է Պուտինը: «Քանի դեռ մենք չենք ապահովել կորոնավիրուսի դեմ պատվաստանյութերի լայն տարածում բոլոր մայրցամաքներում, համաճարակի վտանգը և դրա նոր բռնկումները չեն վերանա», հայտարարել է ՌԴ նախագահը:
