Նախագահ Թրամփը լրջորեն դիտարկում է Իրանին հարվածներ հասցնելու հնարավորությունը. նկատում է քաղաքագետ Արա Պողոսյանը։
Նրա դիտարկումները՝ ստորև.
Դատելով այս գիշերվա բողոքի ցույցերի աշխարհագրությունն ու մասնակիցների թվի էական նվազումը, ինչպես նաև իրանական անվտանգության ուժերի կողմից զինված խմբավորումների ոչնչացումը, կամ պարագլուխների մեկուսացումը, ագրեսիվ խմբերի ձերբակալումն ու զենքի մատակարարման ուղիների հայտնաբերումն ու չեզոքացումը, հնարավորություն է տալիս նախնական եզրակացություն կատարեl, որ աստիճանաբար սպառվում են հնարավորությունները համաիրանական շարժում դառնալու և իշխանություն փոխելու համար, և եթե նույն աշխատանքը նույն թափով շարունակելու դեպքում կսպառվի այս փուլում իշխանափոխության ռեսուրսը:
Ուստի ԱՄՆ-ն այս փուլում կանգնած է լուրջ երկընտրանքի առաջ` համոզվելով, որ իշխանության տապալում ներքին ռեսուրսներով հնարավոր չէ, գնալ բանակցությունների «իրանական քեյսից» գոնե ժամանակավորապես ազատվելու համար, կամ ռազմական գործողությունների միջոցով ներքաշվել պատերազմի մեջ, որը այս անգամ կարող է ներքաշել նաև Չինաստանին, ինչն, իհարկ,ե կհանգեցնի անկանխատեսելի հետևանքների:
