44-օրյա պատերազմի ժամանակ զոհված մոտ 80 քաղաքացիական անձանց կեսը Արցախում սպանվել է միտումնավոր։ Միտումնավոր սպանվածների մեծ մասը տարեց կամ հիվանդ մարդիկ էին։ Նրանց գլխատել են, խոշտանգել, գնդակահարել, «Ադրբեջանի ագրեսիան մարդու իրավունքների և շրջակա միջավայրի պաշտպանության դեմ» թեմայով համաժողովում այս մասին հայտարարեց «Իրավունքների պաշտպանություն առանց սահմանների» ՀԿ իրավական հարցերի գծով փորձագետ Աննա Մելիքյանը։
«Առնվազն 7 հայուհի եթարկվել է խոշտանգումների եւ գլխատվել է։ Նրանց խոշտանգել են սպանելուց առաջ»,- նշեց բանախոսը՝ շեշտելով, որ այսօրինակ հանցագործություններ Բաքուն շարունակել է կատարել նաև 44-օրյա պատերազմից հետո՝ Հայաստանի դեմ ագրեսիայի ժամանակ։
«Դա դարձել է Ադրբեջանի անպատժելիության հետևանքը, այդ թվում՝ միջազգային հանրության կողմից»,- ասաց Աննա Մելիքյանը։
