Համաշխարհային հանրությունը վաղուց պետք է իր վրա վերցներ թե՛ քաղբանտարկյաների, թե՛ ռազմագերիների, թե՛ մյուս գերիների ազատ արձակման խնդիրը, որոնք պահվում են Ադրբեջանում։ Համաշխարհային հանրությունը պետք է նման համարձակություն ստանձնի, «Ադրբեջանի ագրեսիան մարդու իրավունքների և շրջակա միջավայրի պաշտպանության դեմ» թեմայով համաժողովում այս մասին ասաց շվեդ հայտնի էկոակտիվիստուհի Գրետա Թունբերգը։
Նրա գնահատմամբ՝ COP29-ի անցկացումը Բաքվում ավելի շատ մարտահրավերներ է ստեղծում։
«Համաշխարհային ղեկավարները գտնվում են Ադրբեջանում և վախենում են ասել այն, ինչի համար կարող են պատժվել։ Ադրբեջանը մնում է անպատիժ, ոչ ոք նրանից չի պահանջում մարդու իրավունքների խախտման դիմաց։
Այն բանի համար, որ համաշխարհային ղեկավարները գտնվում են այնտեղ, նրանցից նույնպես ոչ ոք ոչինչ չի պահանջում անգործության համար։ Դա ապտակ է զոհերին և՛ կլիմայական փոփոխությանը, և՛ ալիևյան ռեժիմին։
Ինչպե՞ս կարող է COP29-ն անցկացվել Ադրբեջանում, որտեղ անգամ նվազագույն հարգանք չկա մարդու իրավունքների հանդեպ։ Եվ այդպիսի՞ երկրներն են որոշում կլիմայական օրակարգը։ Նման կոնֆերանսները չեն կարող ոչ մի դրական բան բերել այդ օրակարգում»,- ասաց Թունբերգը։
Ըստ Թունբերգի՝ արցախահայերը պայքարել են իրենց իրավունքների, ապրելու և գոյատևելու իրավունքի համար։
