ՍԻՐԻԱՅՈՒՄ ՀԻՆԳ ՀԱՅԻ ԵՆ ԱՌԵՎԱՆԳԵԼ
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Սիրիայում հուլիսի 26-ին հինգ հայ տղամարդ է առեւանգվել։ Ինչպես հաղորդում է «Արմենպրես»-ը, նրանք եղել են Հալեպից Երեւան ուղեւորված ավտոբուսում։ Դեպքը տեղի է ունեցել Թուրքիայի հետ սահմանի մոտ։
Ուղեւորների թվում եղել են նաեւ կանայք, սակայն հայտնի է դարձել, որ կանանց ազատ են արձակել, իսկ տղամարդկանց գտնվելու վայրն անհայտ է։
ՄԱԿ-ի տվյալներով` Սիրիայում արդեն երկու տարի շարունակվող բախումների հետեւանքով զոհերի թիվը գերազանցում է 100 հազարը, այդ թվում` զոհված հայերի թիվը գերազանցում է չորս տասնյակը:
