Բաթումում 3-րդ անգամ անցկացված էքստրեմալ մարզաձեւերի փառատոնում հաջող հանդես եկան Հայաստանի 2 ներկայացուցիչներըՙ դառնալով մրցանակակիրներ:
Մրցումներին մասնակցեցին Հայաստանի, Վրաստանի եւ Թուրքիայի ավտոմոբիլիստները: Մրցումներն անցկացվեցին 3 դասովՙ ստանդարտ, ձեւափոխված եւ պրոֆեսիոնալ ձեւափոխված:
Գերազանց հանդես եկավ Արտաշես Ստեփանյանը, որն իր Jeep Wrangler մեքենայով ձեւափոխված դասում հաղթող ճանաչվեց: Հայաստանի մյուս ներկայացուցիչըՙ Արթուր Թեւանյանը Lada Niva մեքենայով ստանդարտ դասում գրավեց 3-րդ տեղը:
Այս հաջողությունը 2-րդն է Իրանում գրանցած հաղթանակից հետո: Օգոստոսի 24-ին նմանատիպ մրցումներ են անցկացվելու Թուրքիայում, որտեղ Հայաստանը ներկայացնելու է Արտաշես Ստեփանյանը:
