Ձեռնամարտերի ու շշամարտերի խորհրդարանն էթիկայի կարիք չունի: Ձեւավորումից ի վեր` 8-րդ գումարման Ազգային ժողովում Էթիկայի հանձնաժողով չի ձեւավորվել: «Ազգ»-ի տեղեկությունը հաստատեցին Ազգային ժողովի լրատվական բաժնից:
Այնպես չէ, որ Ազգային ժողովում ամեն ինչ անցնցում ու քաղաքակրթորեն է անցնում, պարզապես հանձնաժողով ձեւավորելու հարցում շահագրգիրռ պատգամավոր չկա: Բանն այն է, որ ի տարբերություն ԱԺ մշտական հանձաժողովների` Էթիկայի հանձնաժողովը ժամանակավոր է, այսինքն՝ ձեւավորվում է միայն այն ժամնանակ, երբ որեւէ պատգամավոր կամ խմբակցություն դիմում է ԱԺ նախագահությանն ու հիմնավորում՝ հանձնաժողով ստեղծելու անհրաժեշտությունը:
Աժ 8-րդ գումարման մեկնարակից առ այսօր պատգամավորները ոչ միայն խոսքով են միմյանց վիրավորել, այլեւ բանը հասել է իրար վրա շշեր նետելուն, ձեռքերով ու ոտքերով մարտարվեստի հմտությունների ցուցադրման: Թեեւ առանձին պատգամավորներ քննադատել ու խոսել են էթիկայի հանձնաժողով ձեւավորելու մասին, բայց խոսքից գործի չեն անցել: Ըստ երույթին՝ ուլտրաընդդիմադիրներն ու ժողովրդավարամեռ իշխանականները, էթիկայի առումով, իրար աչքից ընկնել չեն ցանկացել:
ՍԵՎԱԿ ՎԱՐԴՈՒՄՅԱՆ
