Սամվել Բաբայանը ներկայացել է 44-օրյա պատերազմի քննիչ հանձնաժողովին։
Արցախի Հանրապետության Անվտանգության խորհրդի նախկին քարտուղարը, Պաշտպանության նախկին նախարարն ասել է. «Ինձ հրավիրել են, ես էլ համաձայնվել եմ ներկա գտնվել և պատասխանել իրենց հարցերին, ինչո՞ւ պետք է խուսափեմ»։
Բաբայանն ասել է, որ Արցախի հարցը չի լուծվել և ոչ մի ժամանակահատվածում չի կարող լուծված լինել։
«Ես առաջարկել եմ Արցախի հարցի լուծման համար կոմիտե ստեղծել, բայց քանի որ Արցախի իշխանությունները երևի իրենց ձևը ունեն, իսկ Հայաստանի ընդդիմությունը համարում է, որ ես խանգարում եմ իրենց պլաններին, դրա համար ձեռնպահ եմ մնացել։ Մենք ունենք շատ խելոք ընդդիմություն, չէի ցանկանա նրանց խանգարել, ծրագրեր ունեն, ապագան տեսնում են՝ ուր են գնում, ինչ են անում»,-ասել է Բաբայանը։
