Վարշավայի Թագավորական պալատի ամենամյա «Թագավորական կամարներ» լեհական միջազգային փառատոնի շրջանակում կայացավ ՀՀ վաստակավոր արտիստ Հայկ Մելիքյանի մենահամերգը, որը նվիրված էր Արամ Խաչատրյանի 110-ամյա հոբելյանին:
«Մշակույթների երկխոսություն» հիմնադրամի նախագահ Սոնա Հարությունյանը երեկ լրագրողների հետ հանդիպմանն ասաց, որ այս տարի հայ երիտասարդն առաջին անգամ ներկայացել է միայն հայ ժամանակակից կոմպոզիտորների ստեղծագործությունների կատարումներով:
Իսկ ահա Հայ Մելիքյանն ասաց, որ ցնցված եւ ոգեւորված էի լեհ երաժշտասերների ընդունելությունից. «Համերգին ներկայացրի մի քանի հայ կոմպոզիտորների ստեղծագործություններ` սկսած Կոմիտասից, մինչեւ Արամ Խաչատրյան եւ Երվանդ Երկանյան»:
Նշենք, որ Հայկ Մելքիյանը սեպտեմբերի 27-ին կմասնակցի նաեւ Կիպրոսում կայանալիք ժամանակակից երաժշտության փառատոնին, որտեղ կունենա մենահամերգ: Այնուհետեւ կմեկնի Ֆրանսիա եւ Իտալիա` մասնակցելու մի քանի համերգների:
Ծրագրում հնչեցին հայ դաշնամուրային երաժշտության լավագույն նմուշներ Կոմիտասից, Արամ Խաչատրյանից, Առնո Բաբաջանյանից, Երվանդ Երկանյանից եւ Տաթեւ Ամիրյանից:
