Տաջիկստանի մայրաքաղաք Դուշանբեում կայացած ԱՊՀ երկրների ձյուդոյի բանակային առաջնությունում հաջող ելույթներ ունեցան մեր բանակային ձյուդոյիստները: Առավել հաջող հանդես եկան Արթուր Երանոսյանն ու Մհեր Կարապետյանը, որոնք դարձան մրցաշարի հաղթողներ: Հովհաննես Ալեքսանյանն էլ մտավ եզրափակիչ, սակայն պարտվեց վճռորոշ գոտեմարտում ու բավարարվեց արծաթե մեդալով: Բրոնզե մեդալակիրներ դարձան Դավիթ Ղազարյանը, Կարեն Ջանոյանը եւ Ազատ Աբրահամյանը:
Թիմային հաշվարկում Հայաստանի հավաքականը գրավեց 2-րդ տեղըՙ իրենից առաջ թողնելով միայն Տաջիկստանի ընտրանուն: 2014-ին բանակային մրցաշարը կկայանա Երեւանում:
