Գրոսմայստեր Կարեն Գրիգորյանը ժամկետից շուտ նվաճեց շախմատի Հայաստանի առաջին խմբի առաջնության հաղթողի տիտղոսը: Նախավերջինՙ 12-րդ տուրում հաղթելով Արթուր Չիբուխչյանին, Կարենը վաստակեց 9,5 միավոր եւ անհասանելի դարձավ մրցակիցների համար: Գրիգորյանն այդ մրցախաղով ավարտեց ելույթներն առաջնությունում, քանի որ վերջին տուրում նրա մրցակիցըՙ Գեւորգ Հարությունյանը մրցաշարի 6-րդ տուրից այլեւս չի մասնակցում մրցումներին:
7,5 միավորով 2-րդ տեղում Լեւոն Բաբուջյանն է, որը պարտության մատնեց Հովիկ Հայրապետյանին: 6,5-ական միավորով հաջորդ տեղերում են Հովհաննես Գաբուզյանն ու Տիգրան Քոթանջյանը: Գաբուզյանը հաշտություն կնքեց Հայկ Վարդանյանի հետ, իսկ Քոթանջյանն ազատ էր խաղից:
Տիգրան Հարությունյանը հաղթեց Արտավազդ Հայրապետյանին, Վահե Բաղդասարյանը պարտության մատնեց Գրիգոր Դիլանյանին, իսկ Դավիթ Քալաշյանն առավելության հասավ Մանուել Պետրոսյանի նկատմամբ:
