ԿՈՄՊՈԶԻՏՈՐՆԵՐԻ ՄԻՈՒԹՅԱՆ ՆԱԽԱԳԱՀ ԸՆՏՐՎԵՑ ԱՐԱՄ ՍԱԹՅԱՆԸ

Ընդամենը 2 ձայնի տարբերությամբ Հայաստանի կոմպոզիտորների միության նախագահ ընտրվեց կոմպոզիտոր Արամ Սաթյանը: Նրա հավաքած 43 ձայնը վերջ տվեց Ռոբերտ Ամիրխանյանի 22-ամյա նախագահությանը: Արամ Սաթյանը 66 տարեկան է, Երեւանի կոնսերվատորիայի պրոֆեսոր, ՀՀ արվեստի վաստակավոր գործիչ, բազմաթիվ մրցանակների դափնեկիր, շուրջ 300 երգերի ու ռոմանսների, 3 բալետների, 3 սիմֆոնիաների, մի շարք կոնցերտների հեղինակ, Հայաստանում, Ռուսաստանում, ԱՄՆ-ում, Ֆրանսիայում եւ Արգենտինայում թողարկել է մի շարք ձայներիզներ ու խտասալիկներ: