Օգոստոսի 24-ին գերմանական «Թագեսշպիգելում» հրատարակվել է Թեսսա Հոֆմանի ծավալուն հոդվածը: «ԼՂ-ին ցեղասպանությո՞ւն է սպառնում. Աշխարհը սեփական շահերին ի գին թողնում է, որ հայերը սովի մատնվեն» վերնագրով: Հեղինակը մանրամասն շարադրում է ԼՂ հարցի բուն էությունը, Արցախի շրջափակման Ալիեւի նպատակների մասին: Ավստրիական ORF-ի եթերում օգոստոսի 22-ին Արցախում տիրող իրավիճակի, արցախահայերի ծանր վիճակի մասին տագնապ է հնչեցրել Յասմին Դում- Թրագութը: Իսկ օգոստոսի 23-ին «Ցեղասպանության ճանաչման հանձնախումբը, «Վտանգված ազգերի ընկերակցությունը», բազմաթիվ գերմանահայեր Բեռլինում, կանցլերի գրասենյակի առջեւ հսկում են անցկացրել՝ կոչ ուղղելով Օլաֆ Շոլցին՝ կանխելու Արցախին սպառնացող ցեղասպանությունը:
ԱՆԱՀԻՏ ՀՈՎՍԵՓՅԱՆ
Լուսանարում՝ «Պարո՛ն Շոլց, կանխե՛ք Արցախում ցեղասպանությունը»: Օգոստոսի 23-ին Բեռլինում կանցլերի նստավայրի առաջ հավաքված հանրությունը այս պաստառներով էր ձեւակերպել իր պահանջները՝ «Պատժամիջոցներ կիրառեք Ադրբեջանի դեմ, բացե՛ք Լաչինը»:
