Դեյվիդ Լուրսենը Գրինֆիլդից (Վիսկոնսին) հիացմունքով է արտահայտվում Մազմանյան ընտանեկան քառյակի մասին: «Այդ քառյակը Սբ Հովհաննես Մկրտիչ հայկական եկեղեցում հոկտեմբերի 25-ին կայացած համերգի ժամանակ ունկնդիրներին երաժշտության համաշխարհային շրջագայության տարավՙ միշտ Հայաստանը ունենալով որպես ելակետ», գրում է նա վիրտուոզ քառյակի բազմակողմանի տաղանդի մասին: «Նրանք մեզ տարան արեւելյան Եվրոպայից դեպի Իսպանիա, Իռլանդիա, Մ. Նահանգներ եւ Կուբա, բայց նրանց մեղեդիների ցանկում Հայաստանն էր ուղնուծուծը կազմում», մանրամասնում է նա: Սան Ֆրանցիսկոյի համույթի ղեկավարը ջութակահար Գրեգ Մազմանյանն է, ով նվագակցել է Ֆրենկ Սինատրային, Ռեյ Չարլզին եւ ուրիշներին: Նրան ուղեկցում են զավակներըՙ Էդդին, Ռոզը եւ Աիդան:
Հոտնկայս ծափահարությունների արժանանալուց հետո նրանք վերջում կատարել են Արամ Խաչատրյանի «Սուսերով պարը»:
Հոդվածը արտատպել է «Արմինյն Միրոր-Սփեքթեյթեր» շաբաթաթերթը իր նոյեմբերի 2-ի համարում:
