Բելգիան պատրաստակամություն է հայտնել 40 000 եվրո փոխհատուցում տրամադրելու մահացած հայ փախստականիՙ Հայաստանում բնակվող ընտանիքին, նոյեմբերի 29-ի իր լրահոսում իրազեկում է Բելգիայի Թագավորության երեք շրջաններից մեկիՙ Ֆլանդրիայի հանրային հեռարձակող VRT-ի Flanderninfo.be գերմանալեզու լրատվական ծառայությունըՙ առանց անուններ հրապարակելու: Մահացածը Բելգիա էր եկել մոտ մեկ տարի առաջ տուրիստական վիզայովՙ երիկամի փոխպատվաստման նպատակով: Օրինական այցի ժամկետը սպառվել է, եւ հիվանդը դիմել է տեղի իշխանություններինՙ բուժման նպատակով ապաստանի հայցով, ինչը մերժել է օտարերկրացիների հարցերով զբաղվող գերատեսչությունը: Անցյալ ամառ հիվանդը Բելգիայում մահացել է: Մահացածի հարազատները դիմել էին Ստրասբուրգի Մարդու իրավունքների եվրոպական դատարանՙ Բելգիայից վնասի փոխհատուցման պահանջով: Դատարանը բավարարել է հայցըՙ դատապարտել բելգիական իշխանություներիՙ հիվանդին օգնություն չտրամադրելու վարքագիծը: Բելգիան վճռաբեկ գանգատ չի ներկայացրել, մահացածի Հայաստանում ապրող ընտանիքին իսկույն հատկացնելով 40 000 եվրո փոխհատուցում:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
40 000 ԵՎՐՈ ՓՈԽՀԱՏՈՒՑՈՒՄ ԲԵԼԳԻԱՅՈՒՄ ՄԱՀԱՑԱԾ ՀԱՅԻ ԸՆՏԱՆԻՔԻՆ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական