«Հայաքվեի» առաջին 5 օրերին ստորագրել է 14. 796 մարդ։
Երևանում ստորագրահավաքին մասնակցել է 10.054, մարզերում՝ 4.412 մարդ։ Էլեկտրոնային ստորագրությունների թիվը 330 է։
Մեկ շաբաթում Երևանում գործել է 12, մարզերում՝ 14 քվերակության կետ։
Ստորագրահավաքի առաջին շաբաթը հսկայական ոգևորություն բերեց. Ֆեյսբուքում մարդիկ տեղադրում էին սերտիֆիկատները և հպարտությամբ նշում, որ իրենք էլ են մասնակցել «Հայաքվեին»։
«Սերտիֆիկատը միայն ստորագրության համար չէ. այն հայ ազգային արժանապատվության վերականգնման սերտիֆիկատ է։
Չենք հանձնվում թշնամու հոխորտանքներին, չենք հանձնվում նաև թշնամու տեղական կամակատարների մանիպուլյացիաներին։
Հանրային մեծ դիսկուրս է սկսվել։ Հակազդեցությունը սկսվեց իշխանությունից։ Մեզ համար սա զարմանալի չէ․ ամենանսեմ, ամենակղտոտ մեթոդներով արշավ են սկսել «Հայաքվեի» դեմ։ Երեկ էլ Ֆեյսբուքում տեսա, որ Նաիրի Հունանյանի նկարն էին դրել ու տակը գրել՝ սա է «Հայաքվեի» դեմքը։ Նաիրի Հունանյանը ո՞նց կարող է «Հայաքվեի» դեմքը լինել։ «Հայաքվեի» դեմքը մենք ենք, մեր ժողովուրդն է, որի համար Արցախի կորուստը, Արցախն Ադրբեջանին հանձնելը անթույլատրելի է։
«Հայաքվեում» ազնիվ, անաչառ, հայերանսեր մարդիկ են։ «Հայաքվեն» համազգային, համապետական գործընթաց է, որի նպատակը սահմանադրական կարգի ամրապնդումն է, իսկ իշխանությունն այս ընթացքում սարսափ, խուճապ է պրոյեկտում»,- «հայաքվեի» մեկշաբաթյա ամփոփիչ ասուլիսին ասաց նախաձեռնության համակարգող Ավետիք Չալաբյանը։
Այս ընթացքում տարբեր մարդիկ տարբեր արձագանքներ են տվել այս նախաձեռնությանը, ոմանք ասում են՝ գնացեք սահմանին կռվեք, ոչ թե ստորագրահավաք արեք։
«Այստեղ կան մարդիկ, որոնք մասնակցել են արցախյան պատերազմներին, զավակ են կորցրել, այնպես որ, սահման ուղարկողները թող իմանան, որ «Հայաքվեի» ներկայացուցիչները հենց Արցախի համար են պայքարում։
Ադրբեջանական զլմներում խուճապ է՝ ասում են «Հայաքվե» են անում, բայց մեր գործընկեր Փաշինյանի խորհրդարանական մեծամասությունը թույլ չի տա, որ «Հայաքվեն» իրականանա, նա «Հայաքվեն» կտապալի»,- պատմեց Ավետիք Չալաբյանը։
Մանրամասները՝ տեսանյութում.
