Միացյալ Նահանգների Կինոարվեստների ակադեմիան փոխել է իր լոգոտիպը: Ինչպես ԻՏԱՌ-ՏԱՍՍ-ին պարզաբանել են ակադեմիայի մամուլի ծառայությունում, «լոգոտիպը փոխելու գաղափարը ծնվել է երկու տարի առաջ, կազմակերպությունը լրջորեն է մոտեցել իր հիմնական խորհրդանշանում փոփոխություններ կատարելուն», տեղեկացնում է «Արմենպրես»-ը:
«Մենք որոշեցինք ստեղծել այնպիսի մի տեսողական պատկեր, որն արտացոլի ստեղծողների, տաղանդների մեր հանրակցության Էությունը, ստեղծագործական գործընթացի շարժումը,- հայտնել է ակադեմիայի ներկայացուցիչը:- Նոր լոգոտիպն իրենից ներկայացնում Է ոսկե եռանկյունի, որի մեջ զետեղված է «Օսկար» արձանիկի խորհրդանշական ճանաչելի պատկերըՙ կատարված սեւ գույնով»: Նոր լոգոտիպում հեշտությամբ կարելի է նկատել «A» տառիՙ ակադեմիա անվան մեծատառի ուրվագծերը:
«Օսկար» մրցանակների հանձնման 86-րդ արարողությունը կկայանա 2014 թվականի մարտի 2-ին Լոս Անջելեսի «Հոլիվուդ ընդ Հայլենդ» համալիրի «Դոլբի» կինոթատրոնում: «Օսկարի» անվանակարգորդների անունները կհրապարակեն 2014 թվականի հունվարի 16-ին:
