Երեկ, փետրվարի 26-ին, կայացավ Բաղդադ-Երեւան-Էրբիլ (Հյուսիսային Իրաքի Քրդական Ինքնավարության մայրաքաղաք) ուղղությամբ առաջին չվերթը: Ինչպես հաղորդում են ՀՀ Քաղաքացիական ավիացիայի գլխավոր վարչությունից, չվերթը իրականացրեց «Իրաքյան ավիաուղիներ» ընկերությունը:
Կանոնավոր չվերթն իրականացվելու է շաբաթական երկու անգամ` հինգշաբթի եւ կիրակի CRJ900 եւ Boeing 737 ինքնաթիռներով:
Առաջին չվերթով Հայաստան ժամանեցին Իրաքի կառավարության անդամներ եւ մոտ 50 զբոսաշրջային գործակալությունների ղեկավարներ:
«Իրաքյան ավիաուղիներ» ընկերությունը պատկանում է Իրաքի կառավարությանը: Հայաստանում ավիաընկերության ներկայացուցիչն է «Ավիա-Սերվիս» ընկերությունը:
