Գերմանական dpa գործակալությունը հաղորդում է, թե Ռայնլանդ- Փֆալցի երկրամասային խորհրդարանիՙ Լանդթագի խմբակցությունները մայիսի 12-ին միասնական բանաձեւով հիշատակել են 100 տարի առաջ օսմանյան կայսրությունում հայերի դեմ գործված ոճիրըՙ ցեղասպանություն բառի կիրառմամբ։ Լուրն արտատպել են տեղական «Մայնց ցայթունգը», «Վելթը», «Ֆոկուսը»։ Խմբակցությունների խոսնակը նշել է, թե «իրենց ընդհանուր նպատակը պետք է լինի հաշտեցմանը, փոխըմբռնմանը եւ գիտակցության ձեւավորմանը նպաստելը»։ Խմբակցությունները հորդորել են երկրամասային կառավարությանը նպաստել 1915-16-ի իրադարձությունները, Գերմանիայի պատասխանատվությունը պարզաբանող ծրագրերին ու նախաձեռնություններին։ Լրատվական գործակալությունը եզրափակում է հաղորդագրությունը հիշեցնելով, թե Թուրքիան կտրուկ մերժում է ոճիրը ցեղասպանություն ճանաչել, իսկ ԳԴՀ նախագահ Գաուքինՙ Հայոց ցեղասպանություն բնորոշման համար խիստ քննադատության է արժանացրել։
Գերմանիայի հարավ արեւմուտքում գտնվող Ռայնլանդ- Փֆալցը դաշնային 16 երկրամասերից առաջինն է, որ 100-ամյա տարելիցի առիթով նման բանաձեւ է ընդունել։
