«Ազգ»-ի նախորդ համարում էինք գրել, որ Երեւանի ավագանու ընտրությունները սարերի հետեւում չեն, բայց ընդդիմադիր ուժերն, ասես, թմբիրի մեջ են: Գրել էինք նաեւ, որ այս պահին միայն «Հայրենիք» կուսակցության առաջնորդ Արթուր Վանեցյանն է հանդիպումներ ունենում, քննարկում՝ ինչպես, ինչ անհատների հետ համագործակցելով մասնակցի ընտրություններին:
«Ազգ»-ի տեղեկություններով՝ Երեւանի ավագանու ընտրություններին միասնական թեկնածուով հանդես գալու հարցում խորհրդարանական ընդդիմությունը՝ Ռոբերտ Քոչարյանի ու Սերժ Սարգսյանի կուրացիայի ներքո գտնվող ԱԺ «Հայաստան» ու «Պատիվ ունեմ» խմբակցությունները, միասնական թեկանծու առաջադրելու հարցում ընդհանուր հայտարարի չեն գալիս:
«Ամեն մեկն իր ամբիցիաներն է մեջ բերում, ու այդպես էլ լեզու չեն գտնում: Հետեւանքն այն է լինելու, որ ամեն մեկն իր թկենածուին առաջադրի ու մեկը մյուսից ձայներ փախցնեն: Իսկ եթե նման բան լինի, ապա այդ ամենից օգտվողը ՔՊ-ն է լինելու, որ մեկ այլ՝ գրպանային ընդդիմության հետ կոալիցիա կազմելով՝ Ավինյանին քաղաքապետ կդարձնի»,- ասաց «Ազգ»-ի՝ խորհրդարանական ընդդիմությանը մոտ կանգնած աղբյուրը:
ՍԵՎԱԿ ՎԱՐԴՈՒՄՅԱՆ
